Забяспечце дзяцей флікерамі.

Дата: 2 февраля 2022 в 10:37, Обновлено 2 февраля 2022 в 10:46

Автор: Басай М. И.

84 просмотра

Паважаныя бацькі, калі ласка,

забяспечце сваіх дзяцей флікерамі.

Флікер (святлоадбівальнік) на вопратцы – на сённяшні дзень рэальны спосаб зберагчы дзіця ад траўмы на неасветленай дарозе. Прынцып дзеяння яго заснаваны на тым, што святло, трапляючы на рабрыстую паверхню, канцэнтруецца і адлюстроўваецца ў выглядзе вузкага пучка. Калі фары аўтамабіля "выхопліваюць" хай нават маленькі святлоадбівальнік, шафёр здалёку бачыць яркую светлавую кропку. Таму шанцы, што пешаход або веласіпедыст будуць заўважаныя, павялічваюцца ў шмат разоў. Напрыклад, калі ў машыны уключаны блізкае святло, то звычайнага пешахода шафёр убачыць з адлегласці 25-40 метраў. А выкарыстанне святлоадбівальніка павялічвае гэтую лічбу да 130-240 метраў! Маленькая падвеска на шнурку або значок на шпільцы замацоўваюцца на вопратцы, налепкі – на ровары, самакаце, заплечніку, сумцы. На першы погляд флікер выглядае як цацка. Але яго выкарыстанне, на думку экспертаў па бяспецы дарожнага руху, зніжае дзіцячы траўматызм на дарозе ў шэсць з паловай разоў! Чым больш флікераў, тым лепш. Вытворцы адзення, асабліва, дзіцячай, пачалі актыўна выкарыстоўваць нашыўкі з святлоадбівальнай тканіны. На жаль, святлоадбівальнікі нашыты далёка не на ўсіх прадметах дзіцячага адзення. Напрыклад, у дождж гэтыя палоскі на куртцы ці штанах перастаюць быць бачнымі, ды і адлегласць, на якім яны "працуюць", менш, чым у флікераў.

Якія флікеры самыя лепшыя? Купляйце флікеры толькі белага або жоўтага колеру. Менавіта яны маюць найбольш аптымальную святлоадбівальнасць для таго, каб пешаход быў прыкметны ў цёмны час сутак. Дарэчы, аранжавыя зайчыкі, зялёныя вавёрачкі, вогненна-чырвоныя сэрцайкі складана назваць флікерамі. Хутчэй за ўсё – гэта яркія сувеніры, якія так любяць маленькія дзеці і жанчыны, чые жаночыя сумачкі пастаянна ўпрыгожваюць падобныя цацкі. Але спадзявацца толькі на флікеры таксама не варта. Гэта ўсяго адзін са спосабаў пасіўнай абароны пешаходаў. Неабходна памятаць і пра іншыя метады вырашэння праблемы дзіцячага дарожна-транспартнага траўматызму – аб выхаванні граматнага пешахода. Толькі ў комплексе яны змогуць забяспечыць бяспеку дзяцей на нашых дарогах.

Шафёр павінен убачыць флікер – тады ён заўважыць вас і паспее адрэагаваць. Дамагчыся максімальнага эфекту ад выкарыстання флікераў можна, калі прымацоўваць іх так, каб яны былі бачныя з усіх бакоў, раяць у ДАІ. Святлоадбівальную стужку можна завязаць на рукаве ці калашыне, а падвеску прышпіліць шпількай да адзення. Яна павінна вісець на вышыні калена з боку праезжай часткі. Лепш за ўсё выкарыстоўваць адначасова два ці больш святлоадбівальнікаў – з правага і з левага боку. Таксама нагадаем, што святлоадбівальныя элементы толькі двух колераў – белага і цытрынавага – праходзяць сертыфікацыю і адпавядаюць усім патрабаванням. Чырвоныя, сінія, зялёныя флікеры – малаэфектыўныя.

Беражыце сваіх дзяцей !!!

Все новости

Комментарии:

Оставлять комментарии могут только авторизованные посетители.

Телефоны: 8-01563-61-5-12, 8-01563-67-1-38

Email: dtdsgez@grodno-region.by

Электронные дневники в школе