"Педагогi, бацькi, дзецi - разам за бяспеку!"

Дата: 25 мая 2021 в 15:36, Обновлено 26 мая 2021 в 07:18

Автор: Лукиянец Е. И.

191 просмотр

25 мая ў рамках рэспубліканскай акцыі “Не пакідайце дзяцей адных” сумесна з інспектарамі Дзятлаўскага РАНС Мілаш М.У. і Цвірко С.А. у Гезгалаўскім яслях-садзе прайшоў конкурс “Мама, тата, мы – у бяспецы моцныя” (“Мама, папа, мы – в безопасности сильны”).

На свежым майскім паветры адбылося спаборніцтва дзвюх каманд бацькоў і дзяцей сярэдняга і старэйшага дашкольнага ўзросту. Каманды “Зорачкі” і “Іскрынкі” змагаліся за перамогу ў конкурсах: “Вызаў ратаўнікоў”, “Эвакуацыя”, “Сябра я ў бядзе не кіну”, “Бяспечны дом”, “Правілы ведаю – заўсёды выконваю”. Камандам неабходна было хутка і правільна справіцца з заданнямі, паказаць свае веданні правіл пажарнай бяспекі.

Мужныя і смелыя таты асобна ўдзельнічалі ў конкурсе “Ратаўнік”: ім прыйшлося прымерыць на сябе баявую амуніцыю сапраўдных ратаўнікоў і ўратаваць дзяцей і дарослых ад пажару: пераправіць усіх дзяцей і мам сваёй каманды на бяспечны “востраў”. Таты выдатна справіліся з гэтым заданнем.

Акрамя таго, асобна для бацькоў быў праведзены конкурс на валоданне ведамі на супрацьпажарную тэматыку: пра небяспечныя прадметы ў доме (кватэры), пра небяспечныя цацкі для дзяцей дашкольнага узросту, пра адзіны нумар тэлефону экстранных службаў, пра дадатак (приложение МЧС Беларуси “Помощь рядом”) і інш.

Напрыканцы інспектар Дзятлаўскага РАНС Мілаш М.У. уручыла ўсім удзельнікам мерапрыемства памятныя сувеніры: дзецям – размалёўкі “Прафесія “Ратаўнік” і наклейкі МНС, бацькам – буклеты “Не пакідайце дзяцей адных” і друкаваны дадатак “МНС Беларусі. Дапамога блізка”.

Усе ўдзельнікі мерапрыемства атрымалі зарад бадзёрасці і аптымізму.

Глядзiце фотаальбом "За бяспеку разам!"

Все новости

Комментарии:

Оставлять комментарии могут только авторизованные посетители.

Телефоны: 8-01563-61-5-12, 8-01563-67-1-38

Email: dtdsgez@grodno-region.by

Электронные дневники в школе