Забава "Вербніца ідзе - радасць нясе!"

Дата: 20 апреля 2019 в 10:18, Обновлено 20 апреля 2019 в 10:53

Автор: Лукиянец Е. И.

410 просмотров

Вербная нядзеля - хрысціянскае свята, якое адзначаецца ў нядзелю, папярэднюю Вялікадня. Гэта свята прысвечана ўрачыстаму ўваходу Ісуса Хрыста ў Ерусалім.

19.04.2019 у нашай установе прайшоў тэматычны дзень "Вербная нядзеля: гісторыя і традыцыі".

Раскрыць выхаванцам глыбокі сэнс праваслаўнага свята дапамаглі пазнавальныя размовы, прагляд мультымедыйнай прэзентацыі “Па старонкам гісторыі свята Вербніца”, азнаямленне з матэрыяламі наглядна-дыдактычнага дапаможніка “Добры мір. Праваслаўная культура для малых”. Дзеці даведаліся, што у гэты дзень Ісус на маладым асле ўрачыста ўехаў у Ерусалім. Людзі віталі яго як Месію, Збавіцеля, закліканага выправіць свет, ўнесці ў яго мір і дабрабыт. Яны размахвалі пальмавымі галінкамі і спявалі спевы. Замест пальмавых галін славяне выкарыстоўваюць вярбу, бо яна першая пачынае квітнець вясной.

Выхавальнікі М.І.Басай, Н.Ч.Кульбей прапанавалі дзецям цікавыя дыдактычныя гульні, якія зрабілі сваімі рукамі: “Праваслаўныя святы - круглы год”, “Падбяры карцінкуі растлумач сімвал свята”.

У другую палову дня бабулька Ганна запрасіла ўсіх дзяцей у музычную залу. У ходзе забавы "У гасцях у Ганны і Івана" выхаванцы даведаліся аб тым, што галінкі вярбы - сімвал адраджэння, радасці, божага уваскрасенн З асаблівым хваляваннем і натхненнем выхаванцы “рыхтавалі” вербачкі да асвячэння ў храме: упрыгожвалі іх кветачкамі з паперы, рознакаляровымі стужкамі.

Бабулька Ганна паведаміла дзецям, што па народным паверы асвечанымі галінкамі вярбы трэба “біць “ хворага чалавека і прыгаворваць “Не я б’ю - вярба б’е. Вярба, вярба, вербачка, дай здароўя!”

Разам з гаспадарамі дзеці гулялі ў народныя хараводныя гульні, спявалі песні, чыталі вершы.

Педагогі нашай установы ўпэўнены, што святкаванне праваслаўных святаў у дзіцячым садку садзейнічае далучэнню выхаванцаў да культуры і традыцый нашага народа, фарміруе сацыяльна-асобасную ідэнтычнасць ( “Я-беларус”, “Я- праваслаўны чалавек”).

<font color="#000080"> Глядзіце фотаальбом https://dtdsgez.schools.by/photoalbum/486281</font>

Все новости

Комментарии:

Оставлять комментарии могут только авторизованные посетители.

Телефоны: 8-01563-61-5-12, 8-01563-67-1-38

Email: dtdsgez@grodno-region.by

Электронные дневники в школе